Për herë të parë në një Volkswagen, grupi i instrumenteve dixhitale të kontrollit,
i ashtuquajturi Digital Cockpit, së bashku me ekranin e sistemit të info-argëtimit,
vendosen prapa një paneli xhami të lakuar ("ekran i lakuar"): Innovision Cockpit i
orientuar drejt shoferit. Mundësia e kontrollit nëpërmjet prekjes, zërit dhe
gjesteve siguron lehtësinë maksimale të përdorimit, duke eliminuar nevojën për
rrotullat mekanike, çelësat dhe butonat. Zona e madhe e ekranit përdoret për të
shfaqur shumë funksione me grafikë tërheqës dhe me animime. Në pamjen kryesore mund
të vendosni foton tuaj dhe funksionet e preferuara. Mund të zmadhoni disa pamje,
gjë e cila nuk është e mundur me spidometrat apo ekranet tradicionalë.
Në mënyrë specifike, Innovision Cockpit konsiston në Digital Cockpit, sistemin e
info-argëtimit "Discover Premium", ndërfaqen telefonike "Business" me funksionin e
karikimit induktiv për smartfonin tuaj dhe 4 porta USB. I integruar është sistemi
Car-Net me App-Connect, me anë të të cilit mund të transferoni aplikacionet e
smartfonit në ekranin e madh me prekje. Tre sistemet kryesore të suportuar:
MirrorLink®, Apple CarPlay™ dhe Android Auto™. Krahas kësaj, pasagjerët mund të
konfigurojnë sistemin e info-argëtimit nëpërmjet tabletit apo smartfonit ndërsa ju
drejtoni automjetin. Kështu, falë "Volkswagen Media Control", është e mundur të
përcaktoni programin e muzikës nga sedilja e pasme, apo të kontrolloni sistemin e
navigimit nga sedilja e pasagjerit para. Për karikimin e pajisjeve celulare dhe
transmetimin e të dhënave, keni në dispozicion porta USB-je në pjesën e përparme
dhe atë të pasme.
Automjetet e paraqitura në këtë prezantim mund të ndryshojnë në disa detaje nga programi faktik i porosive në Austri. Në disa raste, ka pajisje të veçanta që vijnë me çmim shtesë. Të gjitha çmimet janë udhëzuese, jo detyruese e të pa negociueshme që përfshijnë taksën standarde të konsumit (NoVA), 20% TVSH, tarifën e transportit dhe nuk marrin parasysh shtesat ose zbritjen e NoVA sipas nenit 6 të Ligjit për taksën standarde të konsumit. Për të lehtësuar leximin e teksteve, kemi zgjedhur formën mashkullore ose femërore të fjalëve personale. Kjo në asnjë mënyrë nuk nënkupton diskriminim me bazë gjinie.
Faleminderit për mirëkuptimin.