Kush mund t'i rezistojë? Disqet 17 inç prej aliazhi dhe kllapat e kuqe të frenave¹  për një pamje që nuk harrohet shpejt. Në pjesën e pasme, dritat e pasme të kuqe të errët të teknologjisë LED theksojnë pamjen konfidente. Xhami mbrapa dhe xhamat anësorë mbrapa janë gjithashtu të errët¹ dhe përshtaten në mënyrë të përkryer në pamjen e përgjithshme sportive të T-Roc Sport. Ngjyra e errët thith një pjesë të rrezeve të diellit dhe ofron kështu një ndjesi të veçantë drite në brendësi. Në këtë mënyrë, mund ta mbani kokën të freskët, edhe nëse zemra juaj pëlqen të rrahë më shpejt kur zbaviteni kaq shumë.

Për pjesën e brendshme, mund të merrni edhe një tavan të zi¹ dhe ndriçim ambienti¹ që ju lejon të zhyteni në një atmosferë të këndshme. Kur ndriçimi i këmbëve mbahet i bardhë, listelat e dekorit ndriçohen me ngjyrë të kuqe. Pedalet prej inoksi¹ dhe timoni multifunksional prej lëkure që vjen si pajisje standard japin ndjesinë e një automjeti garash. Sediljet komfort-sport për shoferin dhe pasagjerin e përparme ofrojnë mbështetje anësore të shkëlqyer falë mbështetjes lumbare të integruar me konfigurim manual¹  dhe kontribuojnë për sigurimin e një uljeje të rehatshme edhe në udhëtimet e gjata. Zakonisht janë të pajisura me pëlhurë me dizajn "Gem", por mund të porosisni edhe tapiceri lëkurë "Vienna", sipas kërkesës suaj.