Jeni gati për koncertin e dëshiruar? Dy radio dhe një sistem navigimi, të gjitha të klasit të parë, janë në program. 

Radioja standarde "Composition Colour" ka një ekran me ngjyra, me prekje, me madhësi 16,5 cm (6,5 inç), me të cilën mund të luani muzikë edhe në formatet MP3 e WMA. Lexon karta SD, kap stacione radioje FM dhe përmban gjashtë altoparlantë. Përveç kësaj, ka ndërfaqe Bluetooth dhe portë USB (tipi C)  si shtesë të radios.

Radioja opsionale "Composition Media" (pajisje në seri për linjën Sport), përfshin të gjitha funksionet e mundësitë e lidhjes ashtu si modeli i mësipërm, plus një lexues CD-sh, një portë USB-je(tipi A)  dhe një lidhje Bluetooth për telefonat celularë. Gjithashtu është shumë i rehatshëm për t'u përdorur me një ekran me prekje, me ngjyra, 20,3 cm (8 inç).

Sistemi opsional i navigimit "Discover Media" është i pajisur edhe me ekran me ngjyra, me prekje 20,3 cm (8 inç). Gjithashtu ka gjashtë altoparlantë, një radio FM, një lexues CD-sh që luan muzikë në formatet MP3, AAC dhe WMA, një port për kartë SD, një portë USB (tipi A)   si dhe një ndërfaqe telefonike nëpërmjet Bluetooth-it.

Të gjitha këto sisteme janë të pajisura edhe me një antenë Diversity, e cila kontribuon për kapje të mira valësh edhe në kushte të vështira. Për "Composition Media" mund të përdoren edhe avantazhet e kapjes së valëve dixhitale DAB+.